23-nji maýa geçilýän gije Russiýanyň dronlary Ukrainanyň günbatar sebitleriniň çäklerindäki desgalara hüjüm etdi. “Ukrainskaýa prawda” neşiriniň maglumatyna görä, Çernowetska oblastynda demir ýol menzilinde ýangyn ýüze çykdy, Iwan-Frankowsk sebitinde bolsa binalara we ulaglara zeper ýetdi.
Ukrainanyň merkezinde ýerleşýän Poltawa oblastyna garşy amala aşyrylan dron hüjümi netijesinde senagat kärhanalarynyň biriniň binasy ýykyldy, beýleki desgalara-da zyýan ýetdi, käbir ilatly nokatlar elektrik togsuz galdy. Bu barada Poltawa oblastynyň harby administrasiýasynyň ýolbaşçysy Wladimir Koguta habar berdi.
Şol bir wagtyň özünde, Ukrainanyň dronlarynyň Russiýanyň Lipetsk oblastynyň Ýelts şäherine amala aşyran hüjümi netijesinde sekiz adam ýaralandy we 20 jaýa zeper ýetdi. Bu barada regionyň gubernatory Igor Artamonow aýtdy.
Dronlaryň şäheriň senagat zolagyny nyşana alandygy we şol ýerde ýangynyň başlanandygy habar berilýär.